بين خاطرين

موضوع: بين خاطرين 2013-02-27, 4:12 pm

*ﺑﻴﻦ ﺧﺎﻃﺮﻳﻦ ﺃﻧﺎ ﻣﺘﺤﻴﺮ !!!!
ﻣﺎ ﺑﻴﻦ ﺧﺎﻃﺮ ﺇﻧﻰ ﺃﺧﺎﻃﺮ ﻳﺒﻘﻰ
ﺧﻴﺎﺭﻯ ﻣﺨﻴﺮ ﻓﻴﻪ؟
ﺑﻴﻦ ﺧﺎﻃﺮ ﺇﻧﻰ ﺃﺳﺎﻣﺢ ﺃﻋﻮﺩ
ﻣﻦ ﺗﺎﻧﻰ ﻭﺃﺭﺟﻊ ﻟﻴﻪ؟
ﻭﺣﺘﻰ ﺍﻟﺤﻴﺮﻩ ﺍﻟﻜﺎﻧﺖ ﺑﺎﺩﻳﻪ..
ﺳﺎﻗﺎ ﺍﻟﺸﻮﻕ ﻟﻠﺸﻮﻙ ﻭﺩﺍﻫﺎ
ﻟﺒﺴﺖ ﻣﻨﻴﻪ ﺯﻭﻝ ﺑﺘﻤﻨﻰ ﺇﻧﻮ
ﺃﻣﺎﻧﻰ ﺍﻟﻌﻤﺮ ﻳﻠﻘﺎﻫﺎ
ﺇﻻّ ﻟﻘﺎﻫﺎ ﺩﺍﻳﺮ ﻭﻗﻔﺔ
ﻭﻗﻔﺔ ﻃﻮﻳﻠﺔ ﺑﻴﻦ ﺧﺎﻃﺮﻳﻦ ؟؟
ﺧﺎﻃﺮ ﺯﻯ ﺍﻟﻐﻴﻤﺔ ﺍﻟﺮﺍﺣﻠﺔ ﻟﻤﺎ
ﺗﺴﻮﻕ ﺍﻟﻤﻄﺮﺓ ﻣﻌﺎﻫﺎ
ﻭﺧﺎﻃﺮ ﺯﻯ ﺍﻷﺭﺽ ﺍﻟﺒﻮﺭ ﻟﻤﺎ
ﻳﻔﻮﺗﺎ ﺍﻟﻤﻄﺮ ﻳﻨﺴﺎﻫﺎ
ﻭﺧﺎﻃﺮ ﺯﻯ ﺃﺣﻼﻡ ﺯﻭﻻً ﻟﻤﺎ
ﺃﻣﺎﻧﻰ ﺍﻟﻌﻤﺮ ﻳﻠﻘﺎﻫﺎ ﺗﺴﺎﻓﺮ
ﺭﻭﺣﻮ ﻟﺪﻧﻴﺎ ﺑﻌﻴﺪﺓ ﺗﺴﻮﻕ ﺃﺣﻼﻡ
ﺍﻟﻤﻨﻴﺔ ﻣﻌﺎﻫﺎ
************
ﻭﺃﻧﺎ ﻣﺘﺤﻴﺮ ﺑﻴﻦ ﺧﺎﻃﺮﻳﻦ !!!!
ﺧﺎﻃﺮ ﺯﻯ ﺇﺣﺴﺎﺱ ﻃﻔﻠﺔ ﻳﻮﻡ
ﺍﻟﻌﻴﺪ ﺟﺎﺑﻮﻻ ﻫﺪﻳﺔ
ﻭﻗﺎﻟﻮﺍ ﻣﻌﺎﻙ ﺃﺧﻮﻙ ﻳﺘﻘﺎﺳﻢ
ﻳﺸﺎﺭﻙ ﺭﻭﺣﻚ ﻓﻲ ﺍﻟﻌﻴﺪﻳﺔ
ﻭﻗﻔﺖ ﺣﺎﺋﺮﺓ ﺑﻴﻦ ﺧﺎﻃﺮﻳﻦ؟
ﺧﺎﻃﺮ ﺇﻧﻮ ﺗﺸﻴﻼ ﺑﺮﺍﻫﺎ ﺗﺸﻴﻼ ﻟﻰ
ﺭﻭﺣﺎ ﻭﻣﺎﺗﺪﻳﺎ؟ ﻭﺧﺎﻃﺮ ﺇﻧﻮ
ﺃﺧﻮﻫﺎ ﺍﻷﺻﻐﺮ ﻳﻤﺴﺦ ﻋﻨﺪﻭ
ﺍﻟﻌﻴﺪ ﺑﻬﺪﻳﺔ؟
************
ﻭﺃﻧﺎ ﻣﺘﺤﻴﺮ ﺑﻴﻦ ﺧﺎﻃﺮﻳﻦ !!!!
ﺧﺎﻃﺮ ﺯﻯ ﺃﺣﻼﻡ ﺯﻭﻻً ﻏﺎﺩﺭ ﺑﻠﺪﻭ
ﻳﺠﻴﺐ ﺍﻟﺸﺒﻜﺔ
ﻭﻟﻤﺎ ﻳﻌﻮﺩ ﻟﻰ ﻣﻨﺎﻫﻮ ﺍﻷﻋﻈﻢ
ﻳﻠﻘﻰ ﻋﺮﻭﺳﻮ ﺣﺪﺍﻫﺎ ﺍﻟﺸﺒﻜﺔ؟
ﻳﺒﻘﻰ ﻣﺤﻴﺮ ﺑﻴﻦ ﺧﺎﻃﺮﻳﻦ ؟؟
ﺧﺎﻃﺮ ﺩﺍﻳﺮ ﻳﺴﺘﻠﻘﻰ ﻳﻨﻮﻡ
ﻳﻨﺴﺎﻫﺎ ﻭﺩﺍﻳﺮ ﺃﻣﻨﻴﺘﻮ ﺗﻘﻮﻡ
ﺗﺘﺤﻘﻖ
ﻭﻗﺒﻞ ﺗﻔﻮﺗﻮ ﻳﻘﻮﻡ ﻳﻠﻘﺎﻫﺎ
************
ﻭﺃﻧﺎ ﻣﺘﺤﻴﺮ ﺑﻴﻦ ﺧﺎﻃﺮﻳﻦ !!!
ﺧﺎﻃﺮ ﺍﻟﺜﺎﺑﺮ ﻛﺎﻓﺢ ﻭﺫﺍﻛﺮ ﻭﺩﺍﻳﺮ
ﻳﺤﺼﺪ ﺑﻰ ﻣﺠﻬﻮﺩﻭ
ﻭﺧﺎﻃﺮ ﺯﻯ ﺧﺎﻃﺮ ﺍﻟﻤﻬﻤﻞ
ﻭﻧﺎﺳﻰ ﺟﻬﻮﺩﻭ ﻗﺎﻡ ﺭﺍﺡ ﺳﺎﺭﻕ
ﺟﻬﺪ ﺍﻷﻭﻝ
ﻭﻓﺠﺄﺓ ﺗﺠﻴﻬﻮ ﺻﺤﻮﺓ ﺧﺎﻃﺮ !!
ﻳﺒﻘﻰ ﻣﺤﻴﺮ ﺑﻴﻦ ﺧﺎﻃﺮﻳﻦ ؟؟
ﺧﺎﻃﺮ ﺍﻟﻌﺰﺓ ﺑﺈﺛﻤﻮ ﺗﺸﻴﻠﻮ
ﻭﺧﺎﻃﺮ ﺇﻧﻮ ﻛﻴﻒ ﻳﺘﻤﺘﻊ ﺑﻰ
ﻣﺠﻬﻮﺩﺍً ﺟﺪ ﻣﺎﻫﻴﻠﻮ ؟!
************
ﻭﺃﻧﺎ ﻣﺘﺤﻴﺮ ﺑﻴﻦ ﺧﺎﻃﺮﻳﻦ !!!!
ﺧﺎﻃﺮ ﺯﻯ ﺧﺎﻃﺮ ﺍﻟﺰﺍﺭﻉ ﻳﻨﻀﻒ
ﺃﺭﺿﻮ ﻳﺒﺎﺭﻯ ﺯﺭﺍﻋﺘﻮ ﺳﺮﺍﺑﺔ
ﺳﺮﺍﺑﺔ
ﻭﻓﺠﺄﺓ ﺍﻟﻤﻄﺮﺓ ﺗﻜﺐ ﺻﺒﺎﺑﺔ.....
ﺗﻐﺮﻕ ﺯﺭﻋﻮ ﺍﻟﻠﻴﻬﻮ ﺇﺗﺸﺎﺑﺎ
ﻳﺒﻘﻰ ﻣﺤﻴﺮ ﺑﻴﻦ ﺧﺎﻃﺮﻳﻦ ؟؟
ﺧﺎﻃﺮ ﺍﻟﺴﺎﺧﻂ ﻭﻧﺎﺳﻰ ﺇﻻﻫﻮ
ﻭﺧﺎﻃﺮ ﺍﻟﻤﻮﻣﻦ ﻭﺍﻟﻠﻪ ﻣﻌﺎﻫﻮ
ﺩﺍﻳﺮ ﻳﺮﺗﺪ ﻳﻌﺎﻗﺐ ﻧﻔﺴﻮ ﻭﺩﺍﻳﺮ
ﻳﺘﺼﺒﺮ ﻭﺍﻟﻠﻪ ﻳﺮﺟﺎﻫﻮ
************
ﻭﺃﻧﺎ ﻣﺘﺤﻴﺮ ﺑﻴﻦ ﺧﺎﻃﺮﻳﻦ !!!!
ﺧﺎﻃﺮ ﺯﻯ ﺧﺎﻃﺮ ﺍﻷﻡ ﺍﻟﺸﻘﻴﺖ
ﻭﺗﻌﺒﺖ ﻭﺩﺍﻳﺮﺓ ﻭﻟﻴﺪﺓ ﻳﺒﻘﺎﻻ ﺍﻟﺰﺍﺩ
ﺇﻻّ ﺍﻟﻮﻟﺪ ﺍﻟﺠﺎﺣﺪ ﺑﻌﺪ ﺇﺗﻐﺮﺏ
ﺳﺎﻓﺮ ﻣﺎ ﻋﺎﺩ !!
ﺻﺒﺤﺖ ﺣﺎﻳﺮﺓ ﺑﻴﻦ ﺧﺎﻃﺮﻳﻦ ؟؟
ﺧﺎﻃﺮ ﺇﻧﻮ ﺍﻷﻣﻞ ﻳﻤﻼﻫﺎ ﺗﻘﻀﻰ
ﻣﺴﺎﻫﺎ ﺣﻨﻴﻦ ﻭﺳﻬﺎﺩ !
ﻭﺧﺎﻃﺮ ﺇﻧﻮ ﺍﻟﺬﻛﺮﻯ ﺗﻔﻮﺗﺎ ﻭﺗﺒﻘﻰ
ﺍﻟﺤﺴﺮﺓ ﺛﻮﺍﺏ ﻭﺣﺼﺎﺩ !
************
ﻭﺃﻧﺎ ﻣﺘﺤﻴﺮ ﺑﻴﻦ ﺧﺎﻃﺮﻳﻦ !!!!
ﻭﺧﺎﻃﺮ ﺯﻯ ﺧﺎﻃﺮ ﺭﺍﺣﻞ ﻓﻰ
ﺻﺤﺮﺍﺀ ﺻﺒﺎﺣﻬﺎ ﻫﺠﻴﺮ ﻣﺴﺎﻫﺎ
ﺳﻤﻮﻡ
ﺷﺎﻳﻞ ﺍﻟﺰﺍﺩ ﻣﺨﻼﻳﺔ ﺣﺴﺮﻩ
ﺣﻄﺎﻡ ﺍﻟﺬﻛﺮﻯ ﻭﻗﺮﺑﻪ ﻣﻼﻧﻪ
ﻫﻤﻮﻡ
ﻭﻓﻰ ﻃﺮﻳﻘﻮ ﺗﺸﻠﻊ ﺑﺴﻤﺔ ﺗﻤﺪ
ﺇﻳﺪﻳﻨﺎ ﺳﺤﺎﺏ ﻭﻏﻴﻮﻡ
ﻭﻗﻒ ﺇﺗﺤﻴﺮ ﺑﻴﻦ ﺧﺎﻃﺮﻳﻦ ؟؟
ﺧﺎﻃﺮ ﻳﻤﺸﻰ ﺗﺠﺎﻫﺎ ﻳﻄﺮﺏ ﻟﻰ
ﺣﺠﺎﻫﺎ ﻳﺴﺮﻗﻮ ﺍﻟﻨﻮﻡ
ﻭﺧﺎﻃﺮ ﻳﺒﻌﺪ ﺑﻰ ﺷﻐﻠﻮ ﻳﻨﺎﺿﻢ
ﺿﻠﻮ ﻳﺒﺎﺭﻯ ﺍﻟﻄﻴﺮ ﻭﻳﺮﺟﻰ ﺍﻟﻴﻮﻡ
************
ﻭﺃﻧﺎ ﻣﺘﺤﻴﺮ ﺑﻴﻦ ﺧﺎﻃﺮﻳﻦ !!!!
ﺧﺎﻃﺮ ﺯﻭﻻ ﻛﻞ ﻣﻨﺎﻫﻮ ﺍﻧﻮ ﺣﺒﻴﺒﺘﻮ
ﺗﻘﺎﺳﻤﻮ ﻫﻨﺎﻫﻮ
ﺗﻨﻮﺭ ﻋﻤﺮﻭ ﺗﺒﺪﺩ ﻟﻴﻠﻮ ﻭﻇﻠﻢ
ﺩﺟﺎﻫﻮ
ﺇﻻّ ﺷﻘﻴﻘﻮ ﺍﻟﻜﺎﻥ ﻣﺘﻐﺮﺏ ﺩﺍﺭ
ﺍﻟﺒﺖ ﺍﻟﺪﺍﺭﺍ ﺃﺧﻮﻫﻮ !!
ﺳﺘﺮﺓ ﺣﺎﻟﻮ ﻭﻧﻔﺢ ﺷﺬﺍﻫﻮ
ﻭﻗﻒ ﺍﺗﺤﻴﺮ ﺑﻴﻦ ﺧﺎﻃﺮﻳﻦ ؟؟
ﺧﺎﻃﺮ ﺍﻧﻮ ﻳﻘﻮﻝ ﻟﻠﻨﺎﺱ ﻋﻦ
ﺭﻳﺪﻭ ﻭﻋﻤﻖ ﻣﺪﺍﻫﻮ !
ﻭﺧﺎﻃﺮ ﺍﻧﻮ ﻳﻀﺤﻰ .. ﺣﺒﺎﻳﺒﻮ
ﻳﺘﻬﻨﻮ .. ﻳﺼﺎﺑﺢ ﺍﻟﻮﺣﺪﺓ !
ﻭﻳﻤﺎﺳﻰ ﻋﻨﺎﻫﻮ !!
************
ﻭﺃﻧﺎ ﻣﺘﺤﻴﺮ ﺑﻴﻦ ﺧﺎﻃﺮﻳﻦ !!!!
ﺧﺎﻃﺮ ﺯﻯ ﺧﺎﻃﺮ ﻋﺎﻣﻞ ﺑﻌﺪ
ﺍﻟﺘﻌﺐ ﺍﻟﺠﻮﻉ ﻫﺪﺍﻫﻮ ﻭﻟﺤﻈﺔ
ﺳﻢَّ ﻭﺧﺖَّ ﺍﻟﻠﻘﻤﺔ ﺣﺪﺍﻫﻮ
ﺟﺎﺕ ﺣﺪﻳﺔ ﺍﻟﺸﻮﻡ ﻣﻦ ﻓﻮﻕ
ﻣﻨﺸﺮﺓ !
ﺗﺨﺘﻒ ﺍﻟﻠﻘﻤﺔ ﻣﻌﺎﻫﺎ ﻣﻨﺎﻫﻮ
ﻭﻗﻒ ﺇﺗﺤﻴﺮ ﺑﻴﻦ ﺧﺎﻃﺮﻳﻦ ؟؟
ﺧﺎﻃﺮ ﺇﻧﻮ ﻳﺼﻴﺢ
ﻋﺴﺎﻫﺎ ﺗﺨﺎﻑ ﺍﻟﻄﻴﺮﺓ ﺗﺴﻴﺐ
ﺍﻟﻠﻘﻤﺔ ﻭﺭﺍﻫﺎ
ﻭﺧﺎﻃﺮ ﺇﻧﻮ ﻳﺘﻴﻘﻦ ﺑﻰ ﻗﺴﻤﺔ
ﻏﻴﺮﻭ
ﻣﻬﻤﺎ ﺳﻮّﺍ ﻣﺤﺎﻝ ﻓﻰ ﻳﻮﻡ
ﻳﻠﻘﺎﻫﺎ
***********
ﻭﺃﻧﺎ ﻣﺘﺤﻴﺮ ﺑﻴﻦ ﺧﺎﻃﺮﻳﻦ !!!!
ﺧﺎﻃﺮ ﻃﺎﻟﺐ ﻳﻼﻗﻰ ﺍﻟﺰﻭﻟﺔ
ﺍﻟﻌﺎﺵ ﺭﺍﺟﻴﻬﺎ ﻓﺮﺣﺔ ﻋﻤﺮﻭ
ﻭﺻﻤﺖ ﺿﺠﻴﺠﻮ
ﺗﺒﻘﻰ ﺍﻟﺮﺍﺣﺔ ﻭﺿﻞ ﺍﻟﻮﺍﺣﺔ
ﻭﺯﻳﻨﺔ ﺗﺎﺟﻮ ﻳﻮﻡ ﺗﺘﻮﻳﺠﻮ
ﺇﻻّ ﺍﻟﻔﻘﺮ ﺍﻟﻜﺎﻥ ﻗﺎﺳﺎﻫﻮ ﻇﻞ
ﻳﻼﺯﻣﻮ ﺑﻌﺪ ﺗﺨﺮﻳﺠﻮ
ﻭﻗﻒ ﺇﺗﺤﻴﺮ ﺑﻴﻦ ﺧﺎﻃﺮﻳﻦ ؟؟
ﺧﺎﻃﺮ ﺇﻧﻮ ﻳﺸﻘﻰ ﺣﺒﻴﺒﺘﻮ ﺗﻀﻮﻕ
ﺍﻟﻤﺮﺓ ﻭﻃﻮﻝ ﺗﻬﺮﻳﺠﻮ
ﻭﺧﺎﻃﺮ ﺇﻧﻮ ﻋﺸﺎﻧﺎ ﻳﺴﻴﺒﺎ ﺗﺴﻌﺪ
ﺩﻭﻧﻮ ﻭﻳﺰﻳﺪ ﺗﺄﺟﻴﺠﻮ !؟
***********
ﻭﺃﻧﺎ ﻣﺘﺤﻴﺮ ﺑﻴﻦ ﺧﺎﻃﺮﻳﻦ !!!!
ﺧﺎﻃﺮ ﺯﻭﻟﺔ ﺑﺘﺴﻜﺐ ﺭﻭﺣﺎ
ﺗﻔﺮﺡ ﺫﺍﺗﻮ ﻭﺗﻔﺮﺝ ﻫﻤﻮ
ﺗﺒﻘﻰ ﺍﻟﺤﺲ ﺍﻟﺴﺎﻛﻦ ﻗﻠﺒﻮ
ﺗﺒﻘﻰ ﺣﻴﺎﺗﻮ ﻭﻣﺴﻠﻚ ﺩﻣﻮ
ﺇﻻّ ﺍﻻﻫﻞ ﺍﻟﻜﺎﻥ ﺇﺟﺘﻤﻌﻮﺍ ﻗﺎﻣﻮﺍ
ﺍﺩﻭﻫﻮ ﺑﻨﻴﺔ ﻋﻤﻮ !!
ﻭﻗﻔﺖ ﺣﺎﻳﺮﺓ ﺑﻴﻦ ﺧﺎﻃﺮﻳﻦ ؟؟
ﺧﺎﻃﺮ ﺗﺒﻌﺪ ﻭﺗﻬﺮﺏ ﻣﻨﻮ ... ﺗﺒﻘﻰ
ﺍﻟﻔﺮﻗﺔ ﻭﻣﺎ ﻳﺘﻠﻤﻮ
ﻭﺧﺎﻃﺮ ﺗﺒﻘﻰ ﻗﺮﻳﺒﺔ ﻛﻔﺎﻫﺎ
ﺣﺒﻴﺒﻬﺎ
ﺗﺪﺍﻭﻯ ﺟﺮﺍﺣﻮ ﻭﺗﺒﻌﺪ ﻏﻤﻮ
ﻭﻟﺴﺔ ﻣﺤﻴﺮ ﺑﻴﻦ ﺧﺎﻃﺮﻳﻦ*