صدفه

*ﺗﺎﻭﻗﺖ ﻟﻴﻚ ﻭﺳﻂ ﺍﻟﺨﻠﻮﻕ
ﺷﺎﻥ ﺻﺪﻓﺔ ﺍﻗﺪﺭ ﺍﻟﻤﺤﻚ
ﻭﺍﻣﻼﻫﺎ ﻋﻴﻨﻲ ﻣﻦ ﺍﻟﺠﻤﺎﻝ
ﺍﻟﻜﺎﺳﻲ ﻗﻠﺒﻚ ﻭﻣﻨﻈﺮﻙ
ﻭﺍﻓﺮﺡ ﻭﻛﺖ ﺁﺗﺸﺎﺑﻰ ﻟﻴﻚ
ﺍﻭ ﺣﺘﻰ ﻟﺤﻈﺔ ﺍﻭﺻﻠﻚ
ﻳﺎ ﺯﻭﻝ ﻣﻮﺷﺢ ﺑﺎﻟﺴﻤﺎﺡ
ﻋﺎﺟﺒﺎﻧﻲ ﻃﻴﺒﺔ ﻣﻌﺪﻧﻚ
ﻣﻠﻬﻮﻑ ﻋﺸﺎﻥ ﺑﻤﺸﻲ
ﻭﺑﺠﻴﻚ
ﻭﺍﻗﻌﺪ ﺍﻗﺎﺑﻞ ﺿﺤﻜﺘﻚ
ﻣﺒﺴﻮﻁ ﻭﺭﺍﻳﻖ ﺑﺲ ﻋﺸﺎﻥ
ﻭﻛﺘﻴﻦ ﺍﻧﻢ ﻭﺍﺗﻐﺰﻟﻚ
ﻳﺎ ﺣﺒﻲ ﻳﺎ ﺳﺎﻛﻦ ﺟﻮﺍﻱ
ﻭﺍﻟﻠﻪ ﺟﺪ ﺁﻧﺎ ﺑﻌﺸﻘﻚ
ﺑﻌﺸﻖ ﻋﻴﻮﻧﻚ ﻳﺎ ﺍﺻﻴﻞ
ﻏﺎﻣﺮﻧﻲ ﺑﻲ ﺿﻲ ﺑﺴﻤﺘﻚ
ﺑﻌﺸﻖ ﻗﻠﻴﺒﻚ ﻳﺎ ﺣﻨﻴﻦ
ﺣﺘﻰ ﺍﻟﺘﺮﺍﺏ ﺣﻖ ﻣﺸﻴﺘﻚ
ﺑﺴﺮﺡ ﻭﻛﺖ ﺗﻄﺮﺍﻧﻲ ﻳﻮﻡ
ﻓﻲ ﺿﻞ ﺷﻤﻮﺱ ﺗﺘﻮﻫﺠﻚ
ﺗﻨﻌﺶ ﻭﺭﻳﺪﻱ ﺯﻱ ﺍﻟﻐﺮﻳﺐ
ﻭﻛﺘﻴﻦ ﺍﺧﺶ ﻭﺁﺳﺘﻮﻃﻨﻚ
ﻭﺗﺒﻘﺎﻟﻲ ﺍﻧﺖ ﻭﺍﺑﻘﻰ ﻟﻴﻚ
ﻏﻨﻮﺓ ﺳﻌﺎﺩﺗﻚ ﻭﺭﻭﻋﺘﻚ
*